Return to site

 تجربتي في الطلب من موقع شي إن إلى مصر

“Shein App shopping experience”

طول الوقت وأنا متخيلة إني لو عملت أوردر أونلاين يوصل على مصر إني هدفع جمارك كتيرة جدا! وده من واقع كلام ناس كتير بسمعه دايما. لحد ما قررت إني هجرب بنفسي عشان أقدر أحكم بالظبط وكمان عشان أنقل لكم تجربتي بكل أمانة

في المقالة انهاردة هشاركوا تجربتي بالكامل في التسوق من موقع

Shein

...وهجاوب على كل أسإلتكوا اللي لها علاقة بالجمارك، والمقاسات والخامة إلخ

هعرض المقالة على شكل أسإلة عشان تقدروا ترجعوا لأي سؤال في أي وقت بسهوله:

١) ايه هو موقع شئ إن؟

ده موقع أونلاين للتسوق، متاح فيه ملابس نسائي،رجالي وأطفال ،كمان ديكورات للمنزل وإكسسوارات.

 

٢) الأوردر وصل في كام يوم؟

بالظبط ٥ أيام. طلبت الاوردر الاثنين بالليل وصل السبت.

٣) دفعت جمارك كام؟

اشتريت ٤ قطع من الموقع، متوسط سعر القطعة ٢٦٠ج ودفعت جمارك ٣٧٥ج على إجمالي عدد القطع، يعني حوالي ٩٠ج زيادة على كل قطعه.

٤) هل الخامة زي ما توقعت؟

الخامة كويسة ومناسبة جدا لسعرها، صدقت توقعاتي في كل القطع إلا قطعه واحدة تخيلتها خامة وطلعت مختلفه، لكن مش خامة وحشة إنما عكس ما توقعتها و لما رجعت للموقع اكتشفت انهم كاتبين تفاصيل كل القطع بالخامة ، فده يعتبر مرجع عملي.

٥) ازاي أعرف مقاسي؟

 

موجود تحت كل صورة لوحة بكل المقاسات ، ولو محتاجه تتأكدي من مقاس تقدري تاخذي مقاسك بمازوره قياس وتقارنيه بالمقاسات المتاحة . بالنسبة ليا كل المقاسات اللي طلبتها ظبطت وكانوا بين ال

XS ,Small

٦) ما هي طريقة الدفع؟

الأسعار المكتوبة على الموقع بالدولار، لكن الدفع بالمصري عن طريق الفيزا.

٧) اشتريت ايه من عندهم؟

اشتريت البلوزة الصفرا اللي في بداية المقالة و٣ قطع كمان ، تقدروا تضغطوا على الصور عشان توصلوا للينك القطعة على الموقع لو حابين تشتروها

دي كل حاجة في تجربتي مع موقع شيإن، يارب تكونوا استفادتوا ومتنسوش تتابعوني على الانستجرام عشان تشوفوا باقي القطع بتنسيقها :)

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly