Return to site

"شغل البيت من واجب يومي ثقيل لوقت ممتع"

"خطوات عملية بتساعدني أقضي واجبات المنزل بطريقة ممتعه"

كلنا متفقين إن الواجبات المنزلية دي مش من أقرب الأعمال إلى قلوبنا، لكن في حاجات بنحتاج نعملها حتى لو مش بنحبها عشان هي دي سُنة الحياة الزوجية وحياة العائلة الجديدة

شوية خطوات بتساعدني في موضوع الواجبات المنزلية دي وأولها هو:

١) استشعار نعمة الأسرة والأطفال اللي ربنا أنعم بها علينا. ساعات بناخد حاجات في حياتنا مسّلَم بها رغم إن ممكن غيرنا كثير يكون بيحلم بها. غيري نظرتك من إنها واجب مفروض عليكي إلى إنه حب واهتمام ورعاية منك لعائلتك الصغيرة ♥️

٢) شغلي في البيت موسيقى حلوة بتحبيها أو اسمعي سورة البقرة ، قولي الأذكار أو أي وسيلة تانية بتحبيها وبتريحك. المهم تخلقي جو مريح يساعدك تعملي الشغل ده ببال رائق ويكون وقت ظريف مش مُمِل.

٣) تهوية البيت من الخطوات المهمة جدا، ومن الحاجات اللي بتفرق جدا معايا وبهتم أعملها يوميا صيف أو شتاء. تجديد الهوا في البيت مش بس بينعش المكان لكن كمان بيساعد في تجديد الطاقة الإيجابية في بيتك وبالتالي مزاجك بيكون أحسن 

٤) اعرفي الروائح المحببة ليكي ودائما حاولي تخليها في جو البيت ،سواء من خلال الفواحات أو البخور أو الزيوت العطرية . بالنسبة ليا بحب جدا ريحة جوز الهند والعود وروائح الفنادق والسبا وبهتم أشّغل الفواحة معظم الْيَوْمَ .وكمان بحب أحطها على غطاء السرائر ،الروائح لها مفعول رهيب في تظبيط المزاج

 قاعدة عامة حاولي تواظبي عليها هي انك دائما تخلي كل حاجة محاطة بها في البيت وانتي بتشتغلي أو حتى وقتك مع أولادك تكون بتحبيها ومصدر سعادة وراحة لكي، سواء مثلا ألوان مفضلة تكون مريحة لكي وبتبسطك. أنا بحب جدا الأخضر والأزرق والأبيض من أكثر الألوان اللي بتشدني وبحاول توظيفها في البيت من خلال الفرش مثلا أو الزرع أو أدوات التنظيف وهكذا، المهم تكوني محاطة بجو يساعدك انك تشتغلي بنفس راضية وسعيدة وربنا يديم علينا جميعا يارب نعمة الأهل والصحة .

✨✨ شاركوني إنتوا كمان ايه اللي بيساعدكوا تنجزوا شغل البيت في وقت قليل وبمزاج أروق

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly