Return to site

إعرفي إزاي تعدلي دولابك وتظهري بمظهر يعبر عنك

دولابك مليان هدوم ودايما مش لاقية حاجه تلبسيها؟!

تبقي محتاجه تعديل للهدوم اللي في دولابك!

بمعنى إن دولابك ميكنش فيه غير القطع اللي بجد بتريحك وبتخلي شكلك حلو.

اختيار الهدوم بيكون أسهل بكتير لما يكون عندك اختيارات محددة ومميزة عن ان يكون عندك اختيارات كتيرة ومعظمها مش بيتلبس ومش مميز.

"ببساطة لو شكلها مش حلو عليكي”

يبقى مكانها مش في دولابك"

: ال٥ نصايح دول هيسعدوكي

١) دايما لما تشتري هدوم جديدة اشتري مقاسك اللي مظبوط عليكي. لو بتلبسي مقاس 14 متجبيش مقاس 12 على أمل إنك تخسي.

استمتعي بشكلك ومقاسك في كل مرحلة

٢) متخليش التخفيضات تغريكي.

لو چينز ثمنه ٨٠٠ج وبعد الخصم ٤٠٠ج وإنتي مش محتاجاه، يبقى وقف عليكي بخسارة.

اشتري بس اللي محتاجاه

٣) خليكي متجددة في اختياراتك، الدولاب اللي دايما فيه اختيارات متوقعه دولاب ممل

٤) متشتريش اللي على الموضة مدام مش لايق عليكي!

لأن لو الموضة بتقول بنطلون أصفر وانتي مش بتليقي في الأصفر يبقى ليه تشتريه؟!

البسي المناسب ليكي واللي بيريحك

٥) خليكي جريئة وانتي بتعدلي دولابك.

متخليش حاجه في دولابك لمجرد انها كانت غالية، او انها حلوة بس مش لايقة عليكي، أو هييجي الْيَوْمَ والمعجزة و ترجع مقاسك

:)

والبنطلون والجاكيت اللي بقالهم سنين في الدولاب متلبسوش،صدقيني مش هيوحشوكي!

وزعي الحاجه لحد هيلبسها فيستفيد وانتي تؤجري وتستفيدي

ودلوقتي إنتي جاهزة تعدلي دولابك بحيث يكون مصدر إلهام ليكي في كل مرة تفتحيه عشان تختاري طقم تنزلي بيه، وافتكري دايما تلبسي الحاجه اللي بتريحك وبتعبر عنك

"Never take motherhood as an excuse to not live In-Style"

- Israa Amer

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly