Return to site

٥ طرق هتساعدك في تنظيم ايشارباتك

"لتسهيل تنسيق الملابس في وقت أقل وبمظهر أحلى"

مع تغيير فصول السنة بحب دائما أعدل خزانتي وأعيد ترتيبها! وأول جزء بحب ابدأ به هو أدراج الإيشاربات، لأنه أسهل جزء عندي وبالتالي بحس بالإنجاز لما أخلصه!

٥ خطوات هتساعدك في تعديل درج ايشارباتك وتنظيمه :

١) اخلي كل الايشاربات من الأدراج ، فضي الدرج تماما "وبتكون دي فرصة حلوة لتنظيف الدرج سريعا بالبخاخ، زي اللي في الصورة تحت" !

٢) سريعا أبدئي في تقسيم الايشاربات الي ٣ أقسام : "بيتلبس - يمكن يتلبس - مش بيتلبس"!

٣) القسم اللي أكيد بيتلبس ابدئي تنظيمه داخل الدرج بالطريقه الموضحة في الصورة وعلى حسب لون الايشارب، ده بيسهل عليكي تنسيقه مع الملابس وقت الخروج!

٤) القسم اللي "يمكن يتلبس" خليه لوحده في درج لو عندك مساحة ، أو في شنطة واصبري عليه شهر كمان، لو مجتش الفرصة تلبسيه يبقى مكانه مش في الدرج عندك!

٥) القسم الأخير اللي متأكدة إنه مش بيتلبس، سهل تتصرفي فيه! ومتنسيش نيتك في توزيعه عشان تأجري عليها إنشاءالله :)

الطريقة دي من أفضل الطرق اللي مرت عليا! بسيطة وعملية لأن الايشاربات بتكون كلها ظاهرة ومرتبة على حسب درجات الألوان وده بيسهل جدا عليا اختيار الايشارب المناسب للطقم اللي خارجة به

لو حابين تشوفوا فيديو طريقة لفة حجابي اضغطوا على اللينك ده 👉🏼

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly