Return to site

٣١ سنة بـ ٣١ درس

في عيد ميلادي ال٣١، فكرت إني أشاركوا الدروس اللي اتعلمتها خلال السنين دي واللي كتير منها معملتوش ولو رجع بيا الزمان أعملوا لو كان حد نصحني بيه. كلها دروس من منظوري الشخصي في الحياة وتجربتي البسيطة، أتمنى تفيد اللي محتاجها. يلا بينا

1

حبك لنفسك ده مش أنانية ده واجب عليكي.

2

ادرسي اللي بتحبيه مش اللي مجموعك جابه.

3

اشتغلي على نفسك.

4

إلعبي رياضة وقوي لياقتك البدنية.

5

دائماً خليكي واثقه في احساسك، لأنه بيكون الصح.

6

اتدلعي في بيت أبوكي ومتستعجليش على المسؤولية.

7

اتجوزي اللي بتحبيه وبيحبك أو اللي بيحبك بس.

8

اتعودي تقولي "لأ" للي مش عايزة تعمليه من غير أسباب كتير وجدال.

9

يوم فرحك ده ليكي ولشريك حياتك مش للمعازيم، اعملي اللي يبسطكوا مهما كان بسيط.

10

سفري واعملي Honeymoon محترم.

11

متستعجليش على الخلفه واشبعي راحه :)

12

اشتغلي اللي بتحبيه.

13

بيتك ليكي ولأسرتك مش للضيوف،افرشيه على مزاجك.

14

لو لسة معندكيش "عيال" متحكميش على الأم اللي مش عارفه تتعامل مع صويت ولادها في أي مكان.

15

متحكميش على أي حد أصلا :)

16

علاقتك بأولادك أهم استثمار في حياتك.

17

الرضا مهم.

18

الصبر أهم :)

19

الدعاء مستجاب.

20

متهمليش في شكلك خصوصا بعد الخلفه.

21

في المطاعم اطلبي اللي نفسك فيه مش اللي ولادك نفسهم فيه :)

22

اقرئي كتير في اللي بتحبيه.

23

الكركبة مش مهمة الأهم إنك تعملي مكان لكل حاجه في بيتك. (النظام).

24

لو مطبخك نضيف يبقى بيتك نضيف :)

25

ثقتك في نفسك مفتاح حياتك.

26

إلبسي اللي بيريحك لأن ده اللي شكلك بيكون حلو فيه.

27

اهتمي بمظهرك جوا وبرا البيت.

28

اعملي علاقات تثقي فيها وترتاحي معاها.

29

لو متعصبة ومش عارفه تقولي ايه اسكتي! لأن الكلام في اللحظات دي بتندمي عليه.

30

افتكري دائماً إن كله بيعدي، استمتعي بكل لحظة أو اصبري.

31

احتسبي عند الله كل تعبك مع ولادك وفي بيتك وافتكري "الأمومة مش سهله بس مستاهله".

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly