Return to site

ازاي نحافظ على الكولاجين في بشرتنا بعد سن ال٣٠

!٥ أنواع من الأكل تعزز الكولاجين في البشرة بطريقة طبيعية

  . جسمنا مخلوق من ٪ ٧٥ "كولاجين" واللي بيساعد بشرتنا تظهر بمظهر أكثر شباباً وأقل تجاعيد 

بعد سن ال٣٠ بتبدأ البشرة تفقد من ١ إلى ٣ ٪ من الكولاجين في السنة الواحدة! وده معناه إن على سن ال٤٠ بشرتنا بتفقد٣٠ ٪ من الكولاجين وبالتالي من مرونة البشرة وشكلها الصحي! الدكاترة دائما بيدعموا فكرة إن الأكل اللي بتأكله بينعكس بطريقة مباشرة على صحة البشرة والشكل اللي بتظهر به. وده اللي شجعني أشاركوا أكثر ٥ أنواع أكل مفضلة "بالنسبة ليا لإن في أنواع كثيرة أخرى"! وكمان هقولكوا أفكار بسيطة جدا تناسب كل أم وقتها ضيق أو أي واحدة مشغولة ومعندهاش وقت كبير لتحضير الوجبات في خلال الْيَوْمَ لكن مهتمة إنها تزود صحة بشرتها

١) الليمون

الليمون والموالح عموما زي البرتقال والجريب فروت من أكثر الأنواع اللي بتعزز الكولاجين في البشرة. طريقتي المفضلة والأسهل في التنفيذ هي إني كل يوم الصبح بشرب نصف لتر أو ٢ كوب مياه معصور عليها ليمونة كاملة أو عصير برتقالة كاملة. الموضوع ده مع الوقت بيقلب عادة صحية بسيطة في تنفيذها

٢) الأوراق الخضراء

الأوراق الخضراء واللي خصوصا خضارها غامق زي السبانخ مثلا غنية جدا بفيتامين سي "واللي يعتبر مهم جدا في عملية مكافحة علامات التقدم في السن". من الطرق المفضلة والأسهل ليا في أكلها هي إني بدخلها مع سموزي في الصباح وبكدة أكون استفدت منها أقصى استفادة.السموزي مكوناته بسيطة : عدد ٢ موزة مع كوب فراولة وكوب سبانخ وأوقات أضيف معاه تمر للتحلية أو عسل أبيض ومعاهم كوب مياه وكله بضربه في الخلاط وأشربه، متخافوش من طعم السبانخ في السموزي لإنه مش بيظهر خالص عن تجربة

٣) الجزر والبطاطا

الجزر والبطاطا فيهم فيتامين "أ" واللي بيحافظ وبيساعد في تكوين الكولاجين. الجزر بحب أقطعه أصابع وأكله مع الطحينة كوجبة عشاء خفيفة والبطاطا مفيش أسهل من إنك تحطيها في الفرن وساعات بحب أقطعها أصابع زي البطاطس بتستوي أسرع وبتكون رفيعة ومقرمشة شوي

٤) الأفوكادو

الأفوكادو من أقوى الأنواع في مكافحة علامات التقدم في السن،وبيتكون من نسبة عالية من البوتاسيوم وفيتامين "ب" واللي بيساعد في ترطيب الجسم. بحب أقطعه شرائح على عيش توست محمص وبرش عليه شوية ملح وفلفل. وبيكون مناسب جدا لفطار سريع ، سهل وصحي.

٥) التمر

التمر من الفواكه اللي بتبهرني بفوائده وكم الفيتامينات اللي فيه. وكمان مليان بمضادات أكسدة اللي بتساعد في مكافحة علامات التقدم في السن. لوحده وجبة بسيطة ممكن أكله مع مكسرات. ومن أفضل الطرق ليا هي إني بضربه مع شوية مياه وكاكاو خام بدون سكر وبيكون بديل رائع لصوص الشوكولاتة اللي بستخدمه على الفواكه كوجبة غنية وطعمها حلو.

يارب تكونوا استفادتوا واتحمستوا للأكل الصحي والحفاظ على شوية الكولاجين اللي باقيين :))))

تابعوني علي حساب الإنستجرام عشان تشوفوا أفكار سهله وبسيطة لكل أم وكل واحدة وقتها ضيق!

اضغطوا هنا عشان نتواصل على حسابي الخاص👇🏼 

Israa_mamainstyle

“Never take motherhood as an excuse for not living In-Style!” -

Israa Amer

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly