Return to site

إزاي نخلي الأكل الصحي اسلوب حياة لينا ولأولادنا

"٥ أسألة مع خبيرة التغذية هبة أنور،هتساعدك كأم تبدإي رحلتك مع الأكل الصحي"

· Lifestyle

حلم من أحلام حياتي اللي بحاول لسة أحققها، هو إني أتبع الأكل الصحي كأسلوب حياة وإني أستمتع بيه زي مبستمتع بالأكل السريع! في الإنترڤيو ده هتكلمنا خبيرة التغذية هبة أنور مؤسسة صفحة

"smart food"

إزاي نقدر نعمل ده وبخطوات بسيطة وسهلة

١) ايه اللي خلاكي كأم تخدي قرار إني ابدأ آكل صحي وأعود أولادي على النظام ده كأسلوب حياة؟

اخدت القرار أني اجرب اول بروجرام ديتوكس بعد ازمه صحيه اتعرضت ليها و الي بسببها اضطريت اخد كميه ادويه مختلفه.. ساعتها حسّيت ان جسمي تعبان من الادويه و ده كان مآثر علي نومي و طاقتي و مستوي نشاطي و مودي.. و بعد أسبوعين من النظام ده حسّيت باختلاف كبير و ملحوظ بحيث بقيت اهدي كتير من الفترة السابقة . ساعتها عرفت قد آيه الاكل الي بناكله محدد لصحتنا و لنشاطنا.. بدأت بعدها اهتم بالموضوع ده اوي و قررت ادرس علشان أنمي شغفي بطريقه علميه و عمليه

٢) ايه هي أهم نصيحة تقدر الأم تنفيذها عشان تبدأ رحلتها مع الأكل الصحي؟

اهم حاجه ان الام تبدأ بنفسها و تكون قدوه لأولادها و الأولاد بالفطرة هيتبعوا.. و اول خطوه نبدأ بيها اننا نعلي القيمه الغذائيه للاكل عامتا باستخدام الحبوب الطبيعية مثل حبوب الشيا و بذره الكتان مثلا.. و نبدأ نستبدل الزيوت المهدرجة بزيوت مفيدة و نأكل في البدائل الصحيه لكل اكلنا و نغير تدريجيا.و نبدأ نقرا مكونات الاكل الي بنشتريه لان من حقنا نعرف بنحط آيه في جسمنا

٣) ايه أكتر ٣ صعوبات وجهتك في خلال مشوارك؟

١- النقد من المقربين و الأسره و اعتبار ان الموضوع مكلف و ملوش اهميه و ده تغلبت عليه باني اشتغلت في صمت و تفاديت المواجهات لفترة.

٢- التدخل من الجدود و شرائهم للحلويات الملونة و المصنع للأولاد و ده عملي مشكله و اخد فترته لحد ما عرفت أسيطر عليه

٣- انا بشوف ان المجتمع محدد اوي و كل كل ما نخلق دائره مجتمعيه لينا و لأولادنا ممن يشاركونا نفس الفكر و الثقافه كل ما هيكون الموضوع اسهل لينا و للأولاد

٤- اول ما بدأت كنت بجد صعوبه في الحصول علي مكونات الاكل الصحي.. بس الحمد لله الموضوع دلوقتي اصبح اسهل كتير لان الثقافه انتشرت و اصبح المكونات متوافرة في معظم السوبر ماركت و كمان عرفت أماكن محلات الاكل الصحي و مواعيد معارض الاكل الصحي

٤) قوليلنا معتقدات خاطئة بتسمعيها من الأمهات
عن الأكل الصحي؟ زي مثلا "الأكل الصحي بياخد مني مجهود ووقت طويل لتحضيره"

المعتقدات الخاطئه كتير اوي في مجتمعنا.. أولها ان "الاكل الصحي ملوش طعم و مستحيل الأولاد يحبوه "! او ان" بنحب الحلو و مش هنقدر نستغني عن الحلويات" الحلويات ممكن تستعمل بطريقه صحيه وتكون مفيده

" ان الأولاد وزنهم قليل و الدكتور نصح يكلوا معجنات و حلويات علشان وزنهم يزيد" و ده بسمعه كتير اوي و بجد بتصدم منه جدا

٥) ازاي كأم وولادها نقدر نوصل لمرحلة الاستمتاع بالأكل الصحي وسط كل المغريات اللي حولينا؟

الاكل الصحي ممتع و طعمه حلو
المهم انا كأم ازاي اكسب تعاون أولادي في الرحلة دي
اولا بلاش نستخدم كلمه صحي

healthy

لان المفهوم عنها مغلوط ان طعمها أكيد مش حلو
كل ما اتعامل مع الأولاد بلغه الحب بتاعتهم كل ما هوصلهم و اكسب تعاونهم
و كل لما يبقوا مشاركين كل ما هيتشجعوا يتذوقوا
ولازم الام تتحلي بالصبر و المثابرة لان مش سهل التغيير وسط الضغوط المجتمعية
انا بناقش في الكورس بتاعي الموضوع ده لأَنِّي بنشر الوعي علي ال

primary & secondary food
و ال

primary food

ليه اربع محاور منهم محور العلاقات
كل لما تكون علاقه الام بأولادها متوازنة و مرضيه للأولاد.. كل ما هيكون سهل عليها تكسب تعاونهم
 

4 Ps for winning kids cooperation :
1-The experience has to be a Positive one.
2-I have to be Persistent as long as I know I'm on the right track
3-I need to be Patient & keep trying with kids to taste different foods & never give up.
4-The more the experience is Pleasurable to the kids, the better the out come would be.
 

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly