Return to site

لكل أم بتواجه صعوبة تختار اللبس المناسب ليها

"٦ طرق بخطوات عملية تساعدك تلبسي اللي بيعبر عنك وعن شخصيتك"

في أغلب الأوقات بيكون في صعوبه على الأمهات إنها تلبس اللبس المناسب لها واللي ببساطة عايزة" تلبسه"

وده بيكون سببه الأساسي إنها معندهاش فرصة تاخد وقتها وتجهز لأن الخروج بالنسبة لها مبقاش مجرد طقم بتختاره وتنزل بيه، الخروج بقى تلبيس الولاد وتحضير شنطة الطواريء، ده غير شنطة للأكل والشرب وتفاصيل تانية كثيرة بتخلي وقتنا ضيق وميسمحش إننا نأخذ راحتنا في اللبس.

النصائح دي جربتها على نفسي بعد مقرأت ٤ كتب عن ​الموضوع ده ولما لقيت نتيجه مرضية قررت إني أشاركها معاكوا

١) دوري على اللي بيبهرك ويشدك

لازم تتعرفي على أكثر وأقرب

"style icons"

بتعبر عن طريقتك في اللبس،

اعملي بحث بسيط من خلال

(Pinterest), (Google), (Instagram)

وحاولي يكون من مصادر مختلفه لأن ده بييديكي فرصة أكبر تتعرفي على اللي بتحبيه.

بالنسبة ليا أقرب وأفضل

Style icons

هما:

-Bbtlb (Betul Gedik)

واجب عملي:

اعملي

"Pinterest board"

وسميها

"Personal style inspiration"

تقدري تعمليها

"Private board"

اختاري 5

"style icons"

واعملي بحث سريع عنهم و

"pin"

لكل الصور

اللي بتعبر عنك

خلصتي؟ دلوقتي اكتبي كل العناصر اللي مشتركة بينهم.

كل الاحتمالات هتكون ان اللي كتبتيه ده هو بالظبط اللي بيعبر عنك وعن شخصيتك وبترتاحي فيه، وطبعا كلنا عرفين ليه ده مهم؟ لأن ببساطة لما بتكوني مرتاحة بتكوني في أحسن حال ومظهر

٢) قومي بتعديل دولابك، ازاي؟

بصي سريعا على دولابك وعلى هدومك اللي موجودة حاليا. وزعي كل القطع اللي متلبستش بقالها سنة وابدإي بداية جديدة. ساعتها هتقدري تبني دولاب بسهولة يعكس شخصيتك وهويتك الحالية كأم بتحب الازياء وعارفه أهميتها. لوعندك قطعه مترددة بين انك هتلبسيها أو توزعيها نصيحتي ليكي انك تلبسيها في أول خروجه هتخرجيها وبعدها قرري هل فعلا كانت مريحه بالنسبالك وهتخليها ولا مش عايزاها

:واجب عملي
افتحي دولابك وطلعي منه كل حاجه، فضيه تماما، وهاتي ٣ أكياس أو باسكت واقسمي الملابس بين توزيع، بيع و استخدام.
تعديلك لدولابك بيديكي فرصة أكبر تكوني جاهزة في وقت أقل لكن شكلك أنيق وجذاب لأنك وانتي بتفتحيه انتي متأكدة ان كل الاختيارات بتعبر عنك ومريحه ليكي ده غير إن الفلوس اللي هتجيلك من بيع القطع الغير مستعمله تقدري تشتري بيها قطع جديدة انتي عارفه انك هتلبسيها

٣)مراعاة اسلوب حياتك كأم

  من أهم العناصر للدولاب الصحيح هو إنه يكون موافق لاسلوب حياتك كأم بينما يظهر شخصيتك ويعبر عنك!

واجب عملي :

اكتبي في ورقه كل المواقف اللي بتقابلك خلال الاسبوع، سواء كنتي أم بتشتغل وايه هي طبيعة شغلك، أو إنك بتروحي الچيم، بتخرجي مع أولادك والأصدقاء أو حتى أي مناسبة خاصة
هتحتاجي ترجعي للقائمة دي في كل مرة تظبطي فيها دولابك أو لما تيجي تشتري حاجه جديدة

لو قطعه عجباكي لكن مش متماشية مع القائمة دي يبقى متستهلش تدفعي فيها فلوسك حتى لو حلوة

٤) ​مقاسك في الهدوم مش هو المهم!ثقتك بنفسك هي الأهم

محدش بيشوف انتي لابسة مقاس كام وبصراحة محدش بيهتم يعرف! تركيزك مش لازم ابدا يكون في إنك تلبسي أصغر مقاس، طبعا بتحصلنا كلنا إننا ندخل غرفة القياس بمقاسين واحنا بنتمنى إن المقاس الأصغر هو اللي يظبط أكتر. حاولي تتخلصي من التفكير في الموضوع ده لأن ببساطة مش الرقم اللي المفروض يخليكي واثقه في نفسك إنما إحساسك بنفسك على طبيعتك هو الأهم وهو اللي بيديكي الثقه اللي إنتي محتجاها. ولما بتحسي بالثقه دي، وقفتك بتتغير وضحكتك بتتغير وساعتها بس الناس بتلاحظ

٥) اطلبي المساعدة

في مره من المرات وأنا بتابع واحدة من ال
Top style icons
اللي بيشدوني، لقيتها بتقول معلومة ظريفه ومفيدة أوي وهي إنك ممكن تطلبي المساعدة من
"Professional image consultant or an assistant"

في أي بوتيك من اللي بتحبي تتسوقي فيهم.
،ده هيوفر عليكي كتير خصوصا لو عجباكي قطعه بس محتارة تلبسيها ازاي أو على إيه

نقطه تانية مهمة في موضوع طلب المساعدة هو إنك تتعرفي على خياط كويس،الخياط الشاطر بيخلي كل قطعه محتاجه تظبيط لايقه جدا عليكي وكأنها اتعملتلك مخصوص

٦) الاكسسوار مهم ليكي كأم

الاكسسوار وبدون أي شك، هو أسهل طريقه تخليكي
"In-style"
وبالاسلوب اللي بتحبي تظهري بيه

ممكن الاكسسوار يحول أبسط القطع لقطع شيك جميلة ومختلفه! زي القميص الأبيض على الپنطلون الچينز مثلا مع سلسلة أو مع شنطة شيك أو سكارف

أنا عن تجربة بحب جدا الخواتم والشنط والسكارفات بحس إنهم عمليين أكتر من السلاسل
"المهم"
تختاري أي قطعة اكسسوار بتريحك والبسيها

وفي الختام، أهم خطوة عشان تتعرفي على أنسب طريقة لبس ليكي هي إنك تكوني على طبيعتك، تكوني نفسك ومتركزيش لا على مقاس ولا على ماركة لأن ده مش بيديكي مساحة تبتكري براحتك! خلي عندك
"Your own mama-style"
وخليكي فخورة بيه وكوني مثال جميل للأم العصرية وتكيفي مع وضعك كأم باسلوبك الخاص في اللبس اللي بيه بتعبري عن نفسك وبتوصلي للناس إن الأمومة عمرها مكانت عذر إن الواحدة تهمل في نفسها

"Never take motherhood as an excuse to not live In-Style!"

- Israa Amer

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly